Aðventuhátíðir í Reykjavíkurprófastsdæmi eystra annan sunnudag í aðventu 2011

Ræðumaður kvöldsins er Magnús Pétursson ríkissáttasemjari. Meðal þeirra sem koma fram eru: Maria Cederborg leikur á þver- flautu; börn frá Tónskóla Sigursveins; Kirkjukór Árbæjarkirkju syngur; Nathalia Druzin Halldórsdóttir syngur einsöng; Barnakór- inn syngur nokkur lög og börn úr barnastarfi kirkjunnar sýna jólahelgileik. Kynnir kvöldsins er Svanhildur Árnadóttir sóknar- nefndarkona.  Allir hjartanlega velkomnir.

Sunnudaginn 4. desember, annan sunnudag í aðventu, fáum við ánægjulega heimsókn í Breiðholtskirkju í Mjódd. Þá kemur Gerðubergskórinn, kór félagsstarfsins í Gerðubergi, og syngur við messu.

Sú skemmtilega hefð hefur skapast, að kórinn syngi við messu í kirkjunni þennan sunnudag og hefur sú heimsókn ávallt verið mjög vel heppnuð. Stjórnandi Gerðubergskórsins er Kári Frið- riksson. Einnig munu þátttakendur í félagsstarfinu í Gerðubergi lesa ritningarlestra og bæn og tendra ljósin á aðventukertunum.

Að venju verður sunnudagaskólinn samtímis messunni.

Að messu lokinni verður boðið upp á kaffi og smákökur í safnaðarheimilinu og verður þá væntanlega jafnframt spilað og sungið að hætti gestanna úr Gerðubergi. Það er von okkar, að sem flestir safnaðarmeðlimir og aðrir velunnarar kirkjunnar og félagsstarfsins í Gerðubergi hafi tækifæri til að taka þátt í guðsþjónustunni. Nánar hér á vef Breiðholtskirkju.

Jólagospel verður í Grafarvogskirkju á 2. sunnudag í aðventu og hefjast þeir kl. 17.. Það er Kór Grafarvogskirkju, Vox Populi, sem syngur og hljómsveit spilar sem Guðlaugur Viktorsson stjórnar.

Tökum góða aðventusveiflu og syngjum jólagospel! Allir eru hjartanlega velkomnir.

Á öðrum sunnudegi í aðventu, sem er afmælisdagur Guðríðar- kirkju, verður aðventukvöld sem hefst kl. 17.

Hugleiðingu flytur Árni Þorlákur Guðnason, æskulýðsfulltrúi og kennari við Ingunnarskóla. Kór Guðríðarkirkju syngur undir stjórn Hrannar Helgadóttur og barnakórarnir, Geislakór og Lilju- kór, syngja undir stjórn Berglindar Björgúlfsdóttur. Séra Sigríður leiðir stundina.

Komum saman, syngjum og gleðjumst á aðventunni.

Árlegir tónleikar Kórs Hjallakirkju verða að venju annan sunnu- dag í aðventu. Hjá mörgum eru þessir tónleikar orðnir fastur liður í undirbúningi jólanna.

Efnisskráin er að venju mjög fjölbreytt og sækir tónlist til ýmissa landa og frá ýmsum tímum. Einsöng syngja kórfélagarnir Katrín Valgerður Karlsdóttir sópran, Kristín Halla Hannesdóttir sópran, Margrét F. Sigurðardóttir mezzosópran, Einar Gunnarsson tenór og Gunnar Jónsson bassi.

Boðið er uppá hefðbundinn kórsöng, einnig kvennakór og karla- kór og svo syngjum við líka öll saman og hlustum á upplestur.

Prestar kirkjunnar annast talað mál, Julian Hewlett leikur með á orgel og flygil. Söngstjóri er Jón Ólafur Sigurðsson. Eftir tónleik- ana er boðið upp á heitt kakó og piparkökur. Aðgangur er að sjálfsögðu ókeypis og allir hjartanlega velkomnir. Nánari upplýs- ingar, s.s. efnisskrá, má sjá hér á vef Hjallakirkju.

Sr. Valgeir Ástráðsson og Tómas Guðni Eggertsson flytja aðventu- dagskrá í tali og tónum ásamt kirkjukórnum, barnakórnum og einsöngvurum.