Viðburðir og fréttir í maí til ágúst 2009

Dagbók úr sumarorlofi á Löngumýri

Fastir liðir í orlofsdvöl eru: Morgunverður, helgistund/morgun- bænir, leikfimi, sund eða gönguferðir. Ennig eru alltaf nokkrar konur með handavinnu og var smá saumaklúbbur í öllum hópum. Valgerður Gísladóttir sá um helgistundirnar ásamt Gunnari Rögnvaldssyni forstöðumanni og að þessu sinni voru djáknar í starfsþjálfun í tveim hópum og tóku þær einnig þátt.

Eftir hádegi er spilað, sögustund o.fl. Allir sem óska þess fá að horfa á Leiðarljósið í sjónvarpinu, en þeir sem eru vanir að horfa á það geta helst ekki án þess verið! Í hverrri dvöl var Bingó sem Edda og Valgerður stjórnuðu. Einnig var spilað á nokkrum borðum bæði vist og brids.

Allir hóparnir fara í eina ferð um Skagafjörð eða nágrenni og að þessu sinni var farið að Hólum í Hjaltadal. Í þessum ferðum var Gunnar fararstjóri og nutum við þess mjög að ferðast með honum sem er svo kunnugur í Skagafirði að betra gat ekki boðist. Við skoðuðum kirkjuna og skólann og nutum yndislegra veitinga Ferðaþjónustunnar í Hólaskóla. Einnig fengum við að skoða nýtt stórt hesthús sem tilheyrir skólanum og sáum þar marga gæðinga sem okkur fannst mikið til um. Frá Hólum var ekið um Hegranesið og sem leið lá til Sauðárkróks. Ekið var um Sauðárkrók og endað í Kaupfélaginu mörgum til mikillar ánægju.

Einn hópur fór í guðsþjónustu í Miklabæ. Þar þjónaði sr. Dalla Þórðardóttir og Gunnar Rögnvaldsson sá um tónlistina. Annar hópur var í orlofi 17. júní og fórum við þá í hátíðarguðsþjónustu í Glaumbæ. Prestur þar var sr. Gísli Gunnarsson. Kirkjukór Glaumbæjarsóknar söng undir stjórn Stefáns Gíslasonar.

Á hverju kvöldi var kvöldvaka sem allir tóku þátt í. Gestir úr Skagafirði komu í heimsókn og var af því mikil gleði og gaman. Bæði var um að ræða söngdagskrá þar sem sungið var og spilað fyrir okkur og einnig var sungið með okkur og svo sögur eða upplestur. Þessu fólki öllu viljum við þakka fyrir góð kynni og fyrir að hafa svo fúslega gefið okkur af tíma sínum.

Ekki er hægt að ljúka samantekt um orlofið án þess að þakka konunum sem sáu um mat og dagleg störf. Þær áttu stóran hlut í að gera dvöl sem þessa eins góða og hún var. Bæði með yndislegu viðmóti sínu og einnig fyrir góða matinn sem framreiddur var á hverjum degi.

Hópstjóri í orlofi var Valgerður Gísladóttir. Aðstoðarmaður var Edda Jónsdóttir. Djáknar í starfsþjálfun voru, Anna Þóra Pálsdóttir og Sigrún Berg Sigurðardóttir. Sérlegur aðstoðar- maður var Gunnar Rögnvaldsson forstöðumaður á Löngumýri.

Þetta er í stórum dráttum orlofsdagskráin okkar í sumar og er það von okkar sem stóðum að orlofinu að allir hafi haft gagn og gaman af.

F.h. orlofsstjórnar,
Valgerður Gísladóttir.

Séra Vigfús Þór Árnason og séra Guðrún Karlsdóttir leiða messuna. Sóknarnefndarfólk frá Árbæjar- og Grafarholtssöfnuði lesa ritningarlestra.

Hjörleifur Valsson leikur á fiðlu. Svava Kristín Ingólfsdóttir leiðir söng og syngur einsöng. Sighvatur Jónasson leikur á harmonikku fyrir messu.

Eftir messu grillum við pylsur og njótum sam- félagsins í yndislegri náttúruparadís. Hægt er að koma beint til messunnar kl. 11:00 og leggja bíl til móts við sjúkrastöðina Vog. Grafarvogssöfnuður sjá um undirbúning.

Sumartónar í Elliðaárdal er röð vandaðra tónleika sem haldnir verða í Fella- og Hóla- kirkju á fimmtudagskvöldum kl. 20 í júlí 2009 og er þetta í fyrsta sinn sem slík tónleikaröð er haldin í kirkjunni. Margir erlendir gestir munu koma fram á tónleikum raðarinnar og eru Norðurlöndin áberandi.

Á vefsíðu um tónleikana má finna upplýsingar um alla tónleikana og flytjendur ásamt upplýsingum um kirkjuna og umhverfi hennar sem er einstaklega fagurt.

Í júní verður boðið upp á gönguferðir um Breiðholtið með leiðsögn kunnugra manna. Það eru kirkjurnar í hverfinu sem hafa frumkvæðið að þessum gönguferðum sem eiga það allar sameiginlegt að byrja og enda við kirkju.

Fyrsta gangan verður frá Seljakirkju sunnudaginn 7. júní kl. 10. Þá verður gengið að Breiðholtskirkju með leiðsögn Birnu Bjarnleifsdóttur sem meðal annars mun segja frá gamla Breiðholtsbænum og fleiri merkum stöðum á leiðinni. Í Breiðholtskirkju verður síðan messað kl. 11 og boðið upp á hressingu að henni lokinni.

Sunnudaginn 14. júní verður gengið frá Breiðholtskirkju kl. 10 til messu í Fella- og Hólakirkju sem byrjar kl. 11. Þá verður gengið upp Elliðaárdalinn og staldrað við á merkum stöðum.

Síðasta gangan verður sunnudaginn 21. júní á sumarsólstöðum. Þá verður lagt af stað frá Fella- og Hólakirkju kl. 19 og gengið til kvöld- messu í Seljakirkju kl. 20.

Ekið verður með göngufólk aftur að þeirri kirkju sem göngurnar hófust þegar allir hafa þegið hressingu eftir messurnar.

Þessar göngumessur eru liður í auknu samstarfi safnaðanna sem sameinast um helgihald þessa daga. Þær eru einnig tilvalið tækifæri til þess að njóta umhverfisins og náttúru Breiðholts í góðum félagsskap.

Bryndís Malla Elídóttir,
héraðsprestur í Breiðholtskirkju

Miðvikudaginn 27. maí verður héraðsfundur Reykjavíkurprófastsdæmis eystra haldinn í Lindakirkju kl. 17:30.

Fundurinn hefst með helgistund í umsjá presta Lindakirkju, en síðan verður fundur settur þar sem við taka venjuleg aðalfundarstörf prófasts- dæmisins, framlagning starfsskýrslna og reikninga, afgreiðsla ársreiknings og fjárhagsáætlunar, kosningar og önnur mál. Allir eru velkomnir.         Sjá hér dagskrá fundarins

Sumarguðsþjónusta verður í Guðríðarkirkju í Grafarholti þriðjudaginn 26. maí kl. 14:00. Dr. Sigríður Guðmarsdóttir predikar og þjónar fyrir altari. Guðsþjónustan er samstarfs- verkefni Ellimálaráðs Reykjavíkurprófastsdæma og Grafarholts- sóknar.

Ekkó, kór eldri kennara syngur og leiðir almennan söng undir stjórn Jóns Bjarnasonar. Organisti er Hrönn Helgadóttir.

Kaffiveitingar í boði Grafarholtssóknar eftir guðsþjónustuna.
Allir eru velkomnir.

Á kirkjuþingi árið 1982 kom fram tillaga um að gera einn dag á árinu að degi aldraðra í kirkjum landsins og að tillögu herra Péturs Sigurgeirssonar þá verandi biskups, var ákveðið að það yrði uppstigningardagur

Flestar kirkjur hafa gert þennan dag að hátíðisdegi öldrunar- starfsins hjá sér. Oft lesa eldri borgarar ritningarlestrana í messunni og stundum er fenginn einhver úr þeirra hópi til að flytja prédikun, en það er þó ekki næstum alltaf.

Eftir messuna er boðið upp á veisluhlaðborð og í þeim kirkjum sem hafa verið með handavinnu í “Opna húsinu” yfir vetrar- mánuðina er haldin sýning þennan dag. Eldri borgarar bjóða gestum með sér til þessarar hátíðar svo oft er mjög fjölmennt í kirkjunum þennan dag.

Algengast er að vetrarstarfi eldri borgara ljúki með þessum hátíð- isdegi en í einhverjum kirkjum heldur starfið áfram eitthvað fram á sumar.

Að þessu sinni verður útvarps- messan kl. 11 frá Grensáskirkju. Sr. Ólafur Jóhannsson sóknarprestur þjónar fyrir altari en prédikun flytur Edda Kristjánsdóttir sem er í starfi eldri borgara kirkjunnar.

Eftir guðsþjónustuna verður opnuð ljósmyndasýning Grétu S. Guðjónsdóttur ljósmyndara. Þar sýnir hún myndir sem hún tók á margra ára tímabili af ömmu sinni. Sýningin verður opin næstu vikur á opnunar- tíma Grensáskirkju.

Þessi danska gamanmynd eftir hinn frábæra danska leikstjóra og handritshöfund Anders Thomas Jensen er trúarleg en nútímaleg saga um baráttuna milli góðs og ills.

Adam er nýnasisti sem er skyldaður til að starfa í þágum samfélagsins og sendur til vinnu hjá prestinum Ívan. Ívan fær Adam það verkefni að baka eplaköku úr eplunum sem vaxa á trénu framan við kirkjuna.

Á meðan háma fulglar og ormar í sig eplin, auk þess sem eldingu lýstur niður í tréð. Ivan telur að djöfullinn sé að reyna þá en Adam veðjar á að Guð sé hér að verki.

Epli Adams er há alvarleg gamanmynd og var valin sem framlag dana til Óskarsverðlaunanna fyrir nokkrum árum. Aðgangur ókeypis!