Viðburðir og fréttir í apríl 2011

Messuþjónahátíð verður haldin fimmtudags- kvöldið 12. maí kl. 20 í Grensáskirkju. Hátíðin er einkum ætluð starfandi messuþjónum og prestum safnaða þar sem messuhópa er að finna en þau sem hafa áhuga á að stofna messuhópa í sínum söfnuði eru velkomin.

Tilgangurinn er að ræða saman og fagna liðnum vetri og horfa fram á veginn.

Tómasarmessan í Breiðholtskirkju hefur unn- ið sér fastan sess í kirkjulífi borgarinnar, en þær eru haldnar síðasta sunnudag í mánuði, frá hausti til vors, síðustu þrettán árin. Þema messunnar verður “Að hverjum leitar þú?”

Framkvæmdaaðilar að þessu messuhaldi eru Breiðholtskirkja, Samband íslenskra kristni- boðsfélaga, Kristilega skólahreyfingin, Félag guðfræðinema og hópur presta og djákna.

Tómasarmessan einkennist af fjölbreytilegum söng og tónlist, mikil áhersla er lögð á fyrir- bænarþjónustu og sömuleiðis á virka þátt- töku leikmanna. Allir eru velkomnir.

Stór hópur fólks tekur jafnan þátt í undir- búningi og framkvæmd Tómasarmessunnar, bæði leikmenn, djáknar og prestar.

Samfélagsverðlaun Fréttablaðsins voru veitt við hátíðlega athöfn í Þjóðmenningarhúsinu. Forseti Íslands, herra Ólafur Ragnar Grímsson afhenti Samfélagsverðlaunin, sem eru veitt í fjórum flokkum en auk þeirra voru veitt heiðursverðlaun.

Vel á fjórða hundrað til- nefninga bárust frá lesendum Fréttablaðsins en markmið Samfélagsverðlaunanna eru að beina sjónum að þeim góðu verkum sem unnin eru í samfélaginu.

Listasmiðjan Litróf frá Fella- og Hólakirkju hlaut verðlaun í flokknum Til atlögu gegn fordómum fyrir að vinna að vináttu barna af erlendum uppruna og íslenskra barna með því að stefna þeim saman í leik og listum.

Listasmiðjan Litróf hefur starfað frá árinu 2007 og í dag eru um 70 stúlkur skráðar í listasmiðjuna Litróf. Nafnið "Litróf" vísar til fjölbreytileika mannlífsins. Yngstu þátttak- endur eru 9 ára en elstu eru á 16 aldursári sem eru íslensk börn og börn innflytjenda.

• Öll fréttin hér og myndband með Litrófi.

Árleg föstuguðsþjónusta Reykjavíkurpófasts- dæma var haldin í Grensáskirkju miðvikudag- inn 13. apríl kl. 14. Margir mættu til að hlýða á orð Guðs og Söngfuglana, sem er kór félagsstarfs eldri borgara, undir stjórn Gróu Hreinsdóttur, organista og kórstjóra.

Prestur var séra Ólafur Jóhannsson sóknar- prestur og annaðist hann predikun. Ritninga- lestrar voru í höndum Eddu Kristjánsdóttur og Sverris Kolbeinssonar. Organisti var Gróa Hreinsdóttir og stjórnaði hún Söngfuglunum sem leiddi sönginn í kirkjunni.

Lokaorð flutti Valgerður Gísladóttir, fram- kvæmdastjóri Ellimálaráðs Reykjavíkurpróf- astsdæmanna. Að guðsþjónustu lokinni bauð sóknarnefnd Grensássóknar viðstöddum að þiggja kaffiveitingar í safnaðarheimilinu.

• Sjá hér myndir úr föstuguðsþjónustunni »

Það er ávallt fjölsótt kirkjustarf aldraðra í Fella- og Hólakirkju sem og í öðrum kirkjum. Dagskráin hefst kyrrðarstund í hádeginu á þriðjudögum, sem opin er öllum sóknar- börnum. Síðan er í safnaðarheimilinu súpa og brauð og skipulögð dagskrá þar á eftir.

Þegar annar ritstjóri vefsins leit við þar í gær var kyrrðarstundin búin og fólkið að fá sér hressingu á undan dagskrá sem á eftir fylgdi. Senn fer kirkjustarf aldraðra í sumarleyfi en síðan hefst það aftur í haust.

Fjölbreytt helgihald er í kirkjum prófasts- dæmisins um bænadaga og páska. Á skírdags- kvöld er víða messað kl. 20 þar sem minnst er síðustu kvöldmáltíðarinnar sem Jesús átti með lærisveinum sínum.

Í Digraneskirkju verður trúarlegt ferðalag í helgihaldi á skírdag (21. apríl) kl. 20, sem er dagur seinustu kvöldmáltíðarinnar, þar sem að söfnuðurinn kemur saman um kvöldið til þess að eiga samfélag um borð Guðs. Altaris- sakramentið verður fram borið með sérbök- uðu ósýrðu brauði og bergt af sameiginleg- um kaleik. Síðan hægt að taka þar þátt í páskavöku sem hefst kl. 22 á laugardagskvöldi við eldstæði utan við kirkjuna.

Upprisu frelsarans er síðan fagnað með hátíðarmessum á páskadag þar sem víða er messað við sólarupprás kl. 8. Nánari upplýsingar um helgihald má finna hér í dálknum „Á döfinni“ hér vinstra megin á síðunni sem og á heimasíðum sóknanna.

Dagana 5. og 12. apríl verður haldið í Grafar- vogskirkju á vegum Starfs- og leikmannaskóla kirkjunnar og Reykjavíkurprófastsdæma nám- skeið undir yfirskriftinni  "Að starfa í kirkj-unni VIII – Grunnþættir siðfræðinnar".

Á námskeiðinu verður fjallað um grunnþætti siðfræðinnar. Farið verður yfir meginatriði í sögu siðfræðinnar, fjallað um grunnhugtök í siðfræði og síðan inntak kristinnar siðfræði. Einnig verður fjallað um mun á siðfræði og siðferði og þetta tvennt síðan skoðað í sam- hengi við daglegt líf okkar. Í framhaldi af því verða síðan nokkur siðferðileg álitamál reif- uð og rædd.

Umsjón hefur sr. Halldór Reynisson prestur.

og verkefnisstjóri fræðslumála á Biskupsstofu og sr. Irma Sjöfn Óskarsdóttir prestur og verkefnisstjóri á Biskupsstofu.

Námskeiðið er haldið þriðjudagana, 5. apríl og 12. apríl, kl. 18.00 - 21.00 í Grafarvogs-kirkju. Boðið verður upp á léttan kvöldverð á námskeiðinu.

Kirkjustarf aldraðra verður með föstuguðs- þjónustu í Grensáskirkju miðvikudaginn 13. apríl n.k. kl. 14. Prestur verður sr. Ólafur Jóhannsson.

Söngfuglar, kór félagsstarfs eldri borgara í Reykjavík, syngur og leiðir almennan söng. Organisti og kórstjóri er Gróa Hreinsdóttir. Eftir Guðsþjónustuna eru kaffiveitingar í boði Grensássóknar. Allir eru velkomnir.