Viðburðir og fréttir í júlí og ágúst 2010

Nú þegar líður að hausti er hafinn undir- búningur að vetrarstarfi Seljakirkju. Sem fyrr er reynt að höfða til allra aldurshópa í þeim efnum. Foreldramorgnar, barnaguðsþjón- ustur, KFUM & KFUK, barnakór og æskulýðs- starf mun hefjast í byrjun september.

Menningarvökur fyrir eldri borgara verður svo síðasta þriðjudag í hverjum mánuði, sú fyrsta verður þriðjudaginn 28. september. Hver liður verður betur kynntur á vef Selja- kirkju þegar nær dregur.

Alla miðvikudaga er haldin kyrrðarstund í Breiðholtskirkju kl. 12 á hádegi. Stundin hefst með tónlistarflutningi og síðan er lesið úr Guðs orði, gengið til altaris og stundinni lýkur með fyrirbæn og blessun. Bænarefnum má koma á framfæri í síma 587 1500.

Hádegishressing er í safnaðarheimilinu að stundinni lokinni. Allir eru velkomnir.

Lengi hefur verið um það rætt innan kirkjunnar, að þörf sé á breytingum og endurbótum á starfskýrslum presta þannig að skýrslurnar gefi gleggri mynd af umfangi kirkjustarfsins, enda hefur starfið gjörbreyst og orðið sífellt fjölbreyttara á síðustu árum og áratugum. Í ljósi þess var því ákveðið, að taka upp reglubundna talningu á völdum þáttum starfsins í Reykjavíkurprófastsdæmi eystra og liggja niðurstöður þessarar taln-ingar fyrir tímabilið október 2009 til mars 2010 nú fyrir.

Eitt af því sem sjá má af þessari talningu er, hversu fjölbreytilegt starfið í prófastsdæm-inu er orðið og hversu mikil þátttaka er í safnaðarstarfinu, þegar betur er að gáð.

Það kemur m.a. fram, að alls tóku 156.756 manns þátt í þeim liðum safnaðarstarfsins sem talið var í þetta hálfa ár, og er þar þó ýmislegt undanskilið, eins og t.d. allt kóra- starfið, fermingarfræðslan og fundir og sam-verur af ýmsu tagi.

Samsvarar þessi þátt-taka því, að hver þjóð- kirkjumeðlimur hafi tekið þátt í þeim liðum starfsins, sem talið var í, u.þ.b. 2,3 sinnum á tímabilinu eða að 38,6% hafi tekið þátt í ein- hverjum þessara liða starfsins einu sinni í mánuði.

Séu einstakir liðir starfsins skoðaðir nánar kemur vafalaust ýmislegt mörgum á óvart. Má þar sem dæmi nefna, að meðalþátttakan í þeim 357 messum, sem fram fóru í prófasts-dæminu á tímabilinu, var 125 manns. Og alls tóku 95.225 manns þátt í einhverju helgihaldi á tímabilinu eða 15.871 á mánuði.

Þátttakendur í barna- og unglingastarfi voru 43.775 eða 7.296 á mánuði, en það samsvarar því, að hvert barn í þjóðkirkjunni hafi komið í eitthvert starf u.þ.b. þrisvar á tímabilinu eða helmingur þeirra mánaðarlega. Í þessu sambandi skal það ítrekað, að þátttakendur í fermingarfræðslu og barnakórum eru, eins og áður sagði, ekki með í þessum tölum.

Er því ekki ólíklegt að þær mætti tvöfalda, ef þessir þættir kirkjustarfsins væru talir með, enda voru fermingarbörnin um 1100 og börn-in mörg hundruð, sem syngja í barnakórun-um í prófastsdæminu.

Loks má geta þess, að 17.756 tóku þátt í ýmiskonar fullorðinsfræðslu og hópastarfi á vegum safnaðanna, eða 2959 á mánuði, og voru slíkar samverur að meðaltali 109 á mánuði eða 11 í hverri kirkju.

Ég veit að þær tölur sem hér er vitnað til koma mörgum á óvart og finnst mér því því fullt tilefni til, að á þeim sé vakin athygli. Því þótt það sé vissulega rétt, að oft vildum við sjá miklu fleiri koma í kirkjurnar okkar en stundum er, þá er það þó mikill misskilningur að halda að þær standi alltaf tómar eins og sumir vilja halda fram. Öðru nær!

Safnaðarstarfið verður sífellt fjölbreytilegra og þátttaka í starfinu er almennt að aukast. Ég tel því, að það sé í raun leitun á öflugra félagsstarfi á því svæði sem prófastsdæmið nær yfir, en einmitt því sem rekið er á vegum Þjóðkirkjusafnaðanna.

Gísli Jónasson,
prófastur Reykjavíkurprófastsdæmis eystra

Næsta sunnudag, 18. júlí, er komið að árlegri sameiginlegri messu Árbæjar-, Grafarholts- og Grafarvogssókna. Messan er haldin á Nón-holti innst í Grafarvoginum enda Nónholtið á mörkum sóknanna þriggja.

Nónholt er fallegur skógarlundur stutt frá sjúkrahúsinu Vogi. Hægt er að keyra lang-leiðina upp að lundinum eftir malarveginum hjá Vogi en einnig verður farin pílagrímsferð úr kirkjunum þremur í lundinn. Lagt verður af stað frá kirkjunum kl. 10 fyrir þau sem vilja ganga til kirkju.

Séra Sigríður Guðmarsdóttir og séra Karl V. Matthíasson þjóna og kór Guðríðarkirkju sér um forsönginn. Léttir og skemmtilegir sálmar verða sungnir og í lokin  verður svo eitthvað í svanginn líka af grillinu.

Þann 20. júní s.l. voru 10 ár liðin síðan Graf- arvogskirkja var vígð og var því haldin hátíð- armessa í tilefni þessarar tímamóta. Biskup Íslands herra Karl Sigurbjörnsson prédikaði.

Séra Vigfús Þór Árnason sóknarprestur, séra Bjarni Þór Bjarnason, séra Lena Rós Matt- híasdóttir og séra Guðrún Karlsdóttir þjón- uðu fyrir altari ásamt Gunnari Einari Stein- grímssyni djákna og f.v. prestum, sr. Sigurði Arnarsyni og sr. Önnu Sigríði Pálsdóttur.

Kór Grafarvogskirkju söng samt Vox Populi. Organisti var Hákon Leifsson og Jóhann Frið-geir Valdimarsson söng einsöng. Eftir messu var glæsilegt kaffisamsæti í boði Safnaðarfél- ags Grafarvogskirkju og sóknarnefndar.

Sjá hér myndir frá hátíðarguðsþjónustunni

Þriðju og næst síðustu tónleikar í tónleika- röðinni "Sumartónar í Elliðaárdal" verður n.k. miðvikudagskvöld kl. 20. Á þessum tónleikum munu þær stöllur Eydís Franzdóttir óbóleikari og Sigrún Magna Þórsteinsdóttir orgelleikari flytja okkur hugljúfa tóna. Báðar hafa þær Eydís og Sigrún víða komið fram og hvarvetna hlotið lof fyrir leik sinn. Síðustu tónleikarnir verða síðan á sama tíma 14. júlí kl. 20.

Að venju mun Seljakirkja vera með kvöld- messur kl. 20 öll sunnudagskvöld í sumar. Seljakirkja mun síðan næsta vetur halda áfram með þær þriðja sunnudag hvers mánaðar eins og verið hefur undanfarin ár.

Næsta sunnudag mun séra Ólafur Jóhann Borgþórsson prédika og þjóna fyrir altari. Kór Seljakirkju leiðir safnaðarsönginn. Organisti er Tómas Guðni Eggertsson.