Viðburðir og fréttir í júní 2010

Að venju mun Seljakirkja vera með kvöld- messur kl. 20 öll sunnudagskvöld í sumar. Seljakirkja mun síðan næsta vetur halda áfram með þær þriðja sunnudag hvers mánaðar eins og verið hefur undanfarin ár.

Næsta sunnudag mun séra Ólafur Jóhann Borgþórsson prédika og þjóna fyrir altari. Kór Seljakirkju leiðir safnaðarsönginn. Organisti er Tómas Guðni Eggertsson.

Sumartónar í Elliðaárdal er röð vandaðra tónleika sem haldnir eru í Fella- og Hóla- kirkju á miðvikudagskvöldum kl. 20 til 14. júlí 2010 og er þetta í annað sinn sem slík tón- leikaröð er haldin í kirkjunni.

Á fyrsta kvöldinu s.l miðvikudag léku þær Guðný Einarsdóttir orgelleikari Fella- og Hólakirkju og Svafa Þórhallsdóttir nokkrar söngperlur og aríur og auk þess verk eftir Pál Ísólfsson á orgel kirkjunnar.

Næstkomandi miðvikudagskvöld, 30. júní, verður efnisskrá kvöldsins frönsk djasslög og önnur tónlist í anda Django Reinhardt í flutningi Tríós Gunnars Hilmarssonar.

Tríóið skipa auk Gunnars þeir Jóhann Guð- mundsson, gítar og Leifur Gunnarsson, kon- trabassi. Gestur kvöldsins verður Gréta Sal- óme Stefánsdóttir, fiðla. Miðaverð er aðeins 1.000 krónur og eru þeir seldir við inngang-inn og í versluninni 12 Tónar.

Næstkomandi sunnudag, 27. júní verður messa kl. 11 í Breiðholtskirkju. Prestur er dr. Sigurjón Árni Eyjólfsson. Organisti er Julian E. Isaacs og kór kirkjunnar mun syngja.

Messunni verður útvarpað í Ríkisútvarpinu á Rás-1. Boðið verður upp á kaffisopa í safn- aðarheimilinu að lokinni messu. Allir eru hjartanlega velkomnir, ungir sem aldnir.

Senn fer vísitasíu biskups í Grafarvogspresta- kalli að ljúka, en það verður þegar Grafar- vogssöfnuður heldur upp á 10 ára vígsluaf- mæli Grafarvogskirkju á sunnudaginn kl. 14. Sem hluta af þessari vísitasíu heimsótti herra Karl Sigurbjörnsson börnin í leikskólanum Bakka í Grafarvogi.

Þegar hann mætti, ásamt prestum og djákn- um Grafarvogssafnaðar, mátti heyra óminn af söng þeirra, þegar þau sungu "Öxar við ána", en þau voru að komast í þjóðhátíðarskap, enda sjálfur 17. júní daginn eftir.

Ingibjörg E. Jónsdóttir leikskólastjóri tók á móti gestum og kynnti starsemi skólans og tengingu hans við umhverfismála og náttúru-skoðunar. M.a. skoðuðu þau einstaka bók með myndum af náttúrunni þar sem allar myndir voru teknar af leikskólabörnunum.

Sjá myndir frá heimsókninni á Bakka hér

Gönguguðsþjónusta verður sunnudaginn 20. júní kl. 11. Lagt af stað frá klukknaportinu og gengið sem leið liggur "stífluhringinn" sem Árbæingum er að góðu kunnur. Þetta er þægileg gönguferð á sunnudagsmorgni og reglan einfaldlega sú að sá/sú sem fer hægast yfir stjórnar ferðinni!

Guðfræðingurinn og æskulýðsfulltrúinn Sigríður Rún Tryggvadóttir hefur umsjón með guðsþjónustunni. Sálmar sungnir og ritningarlestrar lesnir á áningarstöðum á leiðinni. Sigríður fer með hugleiðingu. Félagar úr kirkjukórnum verða forsöngvarar. Kaffisopi í kirkjunni þegar heim er komið.

Ef veður verður ekki skaplegt verður stundin einfaldlega færð inn í kirkjuna og í stað gönguferðar verður stutt helgistund að sunnudagsmorgni. Velkomin í Árbæjarkirkju.

10 ár eru liðin síðan Grafarvogskirkja var vígð og næstkomandi sunnudag, kl. 14 mun verða haldin hátíðarmessa í tilefni þessarar merku tímamóta. Biskup Íslands, herra Karl Sigur- björnsson, mun þjóna fyrir altari ásamt nú- verandi og fyrrverandi prestum safnaðarins.

Kór Grafarvogskirkju syngur og organisti er Hákon Leifsson. Sóknarbörn og allir aðrir eru hjartanlega velkomnir.

Samkirkjuleg bænastund fyrir Ísland verður haldin verður í Hallgrímskirkju á 17. júní. Stundin hefst kl. 16 og lýkur vel fyrir kl. 17. Vel á annan tug kristinna safnaða og hópa standa að bænastundinni sem er á vegum Friðrikskapellusamfélagsins, samkirkjulegs bænahóps sem komið hefur saman í hádeg-inu á miðvikudögum frá því í ágúst 2008.

Við hvetjum allt kristið fólk til að mæta og sýna samstöðu með hinum fjölmörgu kirkju- söfnuðunum sem að þessu stendur. "Við erum meðmælendur, meðmælendur ríkis Guðs sem er, réttlæti, friður og fögnuður í heilögum anda (Róm 14.17)". Um þetta þrennt biðjum við fyrir hönd þjóðar okkar, að hér mætti ríkja réttlæti með friði og guðsríkisfögnuði.

Þetta er kjörið tækifæri til að setjast niður eftir rölt um bæinn. Takið gjarnan börnin með. Líflegur söngur og fyrirbæn fyrir landi og þjóð. Dagskráin tekur rúman hálftíma.

Gleðilega lýðveldishátíð út um landið og sjáumst í Hallgrímskirkju 17. júní kl. 16, þið sem eigið leið um miðborgina.

Biskupsvísitasía í Reykjavíkurprófastsdæmi eystra stendur yfir þetta árið og hefur hann nýlega heimsótt Breiðholts- og Árbæjarsókn. Á morgun, 9. júní, kl. 10 hefst þriðji áfangi biskupsvísitasíunnar með heimsókn í Hjúkrun-arheimilið Eir og verður móttakan þar í dag-deild heimilisins og þar með hefst biskups-vísitasía í Grafarvogssókn.

Í hádeginu á morgun, 9. júní kl. 12, sækir hann kyrrðarstund í Grafarvogskirkju og eftir hana verður boðið upp á léttan hádegisverð fyrir kirkjugesti á vægu verði. Daginn eftir verður svo Kirkjuselið í Eirarborgum heimsótt kl. 15 og strax á eftir, eða kl. 17 situr biskup sóknarnefndarfund hjá Grafarvogssókn.

Í næstu viku, 14. og 15. júní verður biskup með viðtöl við presta og djákna í Grafarvogs-söfnuði og gefur sér þannig tíma í leiðinni til að kynnast frekar innra starfi safnaðarins. Miðvikudaginn 16. júní kl. 10 mun biskup fara í heimsókn á leikskólann Bakka og spjalla þar við krakkana.

Vísitasíu biskups líkur svo með hátíðarmessu í Grafarvogskirkju, sunnudaginn 20. júní kl. 14, sem jafnframt er 10 ára vígsluafmæli Grafar-vogskirkju. Herra Karl Sigurbjörnsson, biskup Íslands þjónar þar fyrir altari ásamt öllum nú-verandi og fyrrverandi prestum safnaðarins. Kór Grafarvogskirkju syngur og organisti er Hákon Leifsson. Allir Grafarvogsbúar eru þá hjartanlega velkomnir í hátíðarmessuna.

Hátíðarhöld í tilefni sjómannadagsins hefjast kl. 10 í Grafarvogskirkju sunnudaginn, 6. júní, en þann dag halda sjómenn árlega hátíðleg-an. Dagskráin við Grafarvogskirkju hefst með helgistund við fornt naust, bátalægi sem er fyrir neðan kirkjuna.

Björgunarsveitarmenn úr Slysavarnafélaginu Landsbjörgu munu standa heiðursvörð við naustið, en eins og menn muna, voru allar björgunarsveitir sameinaðar í eitt stórt félag til að efla björgunarstarfið, en Slysavarna-

félag Íslands, sem áður var sérstaklega með björgun úr sjávarháska, en nú hluti af Lands- björgu. Flutt verða ritningarorð og sungnir sjómannasálmar. Ekki er að efa að sjómenn og fjölskyldur þeirra munu fjölmenna.

Sjómannamessa hefst kl. 11. Séra Bjarni Þór Bjarnason þjónar fyrir altari. Jón Gunnarsson alþingismaður og fyrrv. formaður Landsbjarg-ar flytur hugvekju. Sjómenn flytja ritningar-orð. Allir eru hjartanlega velkomnir.

Á uppstigningardag var haldin hátíðarmessa í Árbæjarkirkju, þar sem biskupinn yfir Íslandi prédikaði og prestar kirkjunnar þjónuðu fyrir altari. Uppstigningardagur var jafnframt dagur aldraðra og voru eldri borgarar því í meirihluta messugesta.

Lögreglukórinn og kór Árbæjarkirkju sungu og aldraðir lásu ritningalestra. Jafnframt var þar sýning á handavinnu úr kirkjustarfi eldri borgara og í lok messunnar bar boðið upp á hátíðarkaffi í boði Soroptimistakvenna í safnaðarheimili kirkjunnar með ríkulegt meðlæti.

Sjá myndir frá hátíðarmessunni hér