Viðburðir og fréttir í desember 2011

Á gamlársdag mun kórinn “Vocal Project” verða með tónleika á undan hátíðarmessu og hefjast tónleikarnir kl. 17. 30 en hátíðar- messan hefst síðan kl. 18 og mun kórinn syngja líka í messunni. Kórinn var stofnaður í desember árið 2010 af Matthíasi Baldurssyni, sem jafnframt er stjórnandi kórsins.

Áhersla er lögð á flutning vandaðrar rytmísk- ar tónlistar það er popp, jazz og dægurlaga. Nú syngja hátt í 100 manns með kórnum.

Fjölbreytt helgihald er í kirkjum prófasts- dæmisins um jól og áramót. Aftansöngur er í kirkjum á aðfangadag kl. 18 og víða eru einnig miðnæturguðsþjónustur. Á jóladag eru hátíðarguðsþjónustur kl. 14 en einnig eru margar kirkjur með fjölskylduguðsþjón- ustur á annan í jólum sem og þriðja í jólum.

Nánar um helgihald yfir jól og áramót má finna á heimasíðum hverrar kirkju sem er að finna hér:

• Árbæjarkirkja • Breiðholtskirkja • Digra- neskirkja • Fella- og Hólakirkja • Guðríðar- kirkja - Grafarvogskirkja • Hjallakirkja
• Kópavogskirkja • Lindakirkja • Seljakirkja

Kór Breiðholtskirkju heldur aðventu- og jóla- tónleika fjórða sunnudag í aðventu 18. des- ember kl. 20.

„Hin fegursta rósin er fundin“ er yfirskrift tónleikana og á efniskrá eru fjölbreytt jóla- lög sem kalla fram helgi og lofsöng komandi hátíðar. Stjórnandi er Örn Magnússon, ein- söngvarar Bergþór Pálsson, Hildigunnur Hall- dórsdóttir og Marta Guðrún Halldórsdóttir. Blokkflautukvartett spilar ásamt strengjasveit.

Miðaverð er 2.000 krónur en 1.000 krónur fyrir eldri borgara og öryrkja.

Kl. 11 á sunnudaginn verður Jólaball sunnu- dagaskólans. Jólasveinarnir Giljagaur og Stekkjastaur koma í heimsókn með glaðning handa börnunum. Gengið er í kringum jóla- tré og sungin jólalög. Heitt súkkulaði og piparkökur eru í boði eftir Jólaballið okkar.

Klukkan 16 verður síðan Jólastund fjölskyld-unnar. Þar munu Söngvinir, kór aldraðra í Kópavogi syngja gömul og ný aðventu- og jólalög. Stundin miðast fyrst og fremst við sönginn, að rifja upp gamalkunnug aðventu- og jólalög og heyra jafnvel eitthvað sem er

ekki eins kunnuglegt. í lokin er boðið upp á heitt súkkulaði og piparkökur. Tónlistarmenn leiða stundina ásamt prestunum.

Kór Fella- og Hólakirkju flytur ljúfa jólatónlist á tónleikum þann 20. desember kl. 20.30.

Á tónleikunum koma einnig fram þær Áshild- ur Haraldsdóttir flautuleikari og Katie Buck- ley hörpuleikari. Ásdís Arnalds, Elfa Dröfn Stefánsdóttir og Eyrún Ósk Ingólfsdóttir syngja einsöng.

Eftir tónleikana verður boðið upp á heitt súkkulaði og piparkökur í safnaðarheimilinu.

Miðaverð er 1. 500 krónur við innganginn en hægt er að nálgast miða hjá kórfélögum í forsölu á 1.000 krónur.

Fyrir 12 ára og yngri kostar miðinn 500 kr. Allir hjartanlega velkomnir á þessa ljúfu og notalegu jólastund!

Eins og undanfarin ár býður Karlakórinn Fóstbræður til tónleika í Seljakirkju á aðventunni. Þeir bjóða upp á aðventu og jólatónlist eins og hún verður best í réttu umhverfi. Þeir félagar eru hressir og færast mikið í fang. Það er frábært að njóta þess og góður undirbúningur hátíðarinnar.

Að þessu sinni verða tónleikarnir fjórða sunnudag í aðventu, 18. desember og hefjast kl 17. Kórinn syngur undir stjórn Árna Harð- arson og syngur María Jónsdóttir einsöng með þeim. Ókeypis er á tónleikana.

Fimmtudaginn 19. janúar hefst í Breiðholts- kirkju Biblíulestraröð á vegum Reykjavíkur- prófastsdæmis eystra og Starfs- og leik- mannaskóla kirkjunnar. Á námskeiðinu verð- ur gerð grein fyrir stefnum og straumum í íslenskri guðfræði á síðustu öld. Samhliða umfjölluninni verður fjallað um Jóhannesar- guðspjall, tilurð, efni og byggingu þess en nokkrir kaflar verða rit- skýrðir sérstaklega. Umsjón og kennari er Dr.dr. Sigurjón Árni Eyjólfsson héraðsprestur.

Biblíulestrarnir verða haldnir í tíu skipti á fimmtudögum frá 19. janúar til 23. mars, frá kl. 20.00 til 22.00.

Jólafjölskyldumessa verður í Árbæjarkirkju á þriðja sunnudag í aðventu kl. 11. Tendrað á þriðja kerti aðventukransins Hirðakertinu.

Jólastund sunnudagaskólans þar sem Barna- kór Árbæjarkirkju syngur. Jólatrésskemmtun sunnudagaskólans og Fylkis í safnaðarheimili kirkjunnar eftir messu.

Kátir sveinar hafa boðað komu sína og skora á Fylkis-stelpur og stráka að mæta þeim við jólatréð í safnaðarheimili kirkjunnar eftir kirkjuheimsóknina.

Aðventutónleikar Kórs Kópavogskirkju verða miðvikudagskvöldið 7. desember n.k. í safn- aðarheimilinu “Borgum” og hefjast kl. 20. Kórinn flytur aðventulög víða að undir stjórn Lenku Mátóvá, kantors. Inga Harðardóttir, guðfræðingur flytur hugleiðingu.

Engin aðgangseyrir og allir velkomnir.

Sunnudaginn 4. desember, annan sunnudag í aðventu, fáum við ánægjulega heimsókn í Breiðholtskirkju. Þá syngur Gerðubergskór- inn, kór félagsstarfsins í Gerðubergi.

Sú skemmtilega hefð hefur skapast, að kór- inn syngi við messu í kirkjunni þennan sunnudag og hefur sú heimsókn ávallt verið mjög vel heppnuð. Stjórnandi Gerðubergs- kórsins er Kári Friðriksson. Einnig munu þátt- takendur í félagsstarfinu í Gerðubergi lesa ritningarlestra og bæn og tendra ljósin á aðventukertunum.

Að messu lokinni verður boðið upp á kaffi og smákökur í safnaðarheimilinu og verður þá

væntanlega jafnframt spilað og sungið að hætti gestanna úr Gerðubergi. Það er von okkar, að sem flestir safnaðarmeðlimir og aðrir velunnarar kirkjunnar og félagsstarfsins í Gerðubergi hafi tækifæri til að taka þátt í guðsþjónustunni.

Miðvikudaginn 7 .desember n.k. kl. 20.00 verður fjör í kirkjunni þegar Litrófið heldur sína aðventutónleika.

Komið og takið þátt í gleðinni og bjóðið vinum og vandamönnum með. Aðgangur aðeins 500 krónur.

Nánar á vef Fella- og Hólakirkju